Ghr ka Budget

Mehengai ke is dor me har ghar ki sab se badi pareshani bijli ka bill hai. Agar aap bhi har mahine bill dekh kar pareshan ho jati hain, to ye 7 azmooda totky sirf aap ke liye hain. *1. LED Bulb Ka Istamal* Purane peelay bulb 80% zyada bijli khate hain. Inhe foran LED bulbs se badal den. Ye roshni bhi zyada dete hain aur bill bhi kam aata hai. *2. AC Ka Sahi Istamal* AC ko 24 ya 26 par rakhen. Har 1 degree kam karne se bill 6% barhta hai. Koshish karen ke kamra thanda hote hi AC band karke fan chala den. *3. Istri (Iron) Ek Sath Karen* Roz thore thore kapre istri karne se bijli zyada kharch hoti hai. Hafte me ek din saare kapre ek sath istri karen. *4. Extra Lights Band Rakhen* Din ke waqt khirkiyan khuli rakhen taake suraj ki roshni aaye. Jo kamra khali ho uski light aur pankha lazmi band kar den. Bachon ko bhi ye adat dalen. *5. Fridge Ko Dewar Se Door Rakhen* Fridge ko dewar se kam az kam 1 foot door rakhen taake hawa lagti rahe. Fridge ka darwaza bar bar kholne se bhi bill barhta ha...

Assalam-o-Alaikum! Aaj kal har ghar ka sab se bada masla mehengai hai. Har maheene rashan ka kharcha barh jata hai. Lekin agar hum thori si samajhdari se kharidari karen to 3000 se 5000 rupay tak bachat ho sakti hai. Aaj main aapko apne tajurbe se 5 aise asan tareeqe bataungi jahan se sasta aur acha rashan milta hai.  1. Wholesale Market Se Mahine Ka Rashan Ek Sath Len Perchon ki dukan se roz cheezen lene se mehenga parta hai. Koshish karen ke mahine ka dalen, chawal, cheeni, ghee ek sath wholesale market se len. Lahore me Shah Alam, Karachi me Jodia Bazaar jaisi market me 15-20% sasta mil jata hai. *Faida:* Ek to sasta milta hai aur bar bar bazaar jane ka kharcha bhi bachta hai.  2. Utility Stores Ka Faida Uthayen Hukumat ke utility stores par aata, cheeni, ghee aur dalen bazaar se kafi saste rate par milte hain. Apna shanakhti card sath le jayen aur list bana kar wahan se kharidari karen.  3. Sale Aur Discount Offers Par Nazar Rakhen Bare stores jaise Imtiaz, Carrefour,...

Assalam-o-Alaikum! Main Farah Khan. Har maheene ke akhir me yahi soch ke pareshan hoti thi ke paisa kahan gaya? Agar aap bhi 5000 rupay me ghar ka kharcha chalana chahte hain to ye post sirf aap ke liye hai. *5000 Rupay Ko 4 Hisso Me Taqseem Karen:* *1. Rashan (2500 Rupay):* Maheene ke shuru me hi aata le len. Chawal aur daal wholesale se len. *2. Sabzi (1000 Rupay):* Roz ki sabzi mat len, 2 din ki ek sath len. Aloo, Pyaaz hamesha ghar me rakhen. *3. Bijli, Gas, Mobile (1000 Rupay):* Din me fuzool light band rakhen. Chota mobile package karwain. *4. Bachat (500 Rupay):* Chahe 100 rupay hi sahi, har maheena zaroor bachayen. *3 Sunahri Usool:* 1. List bana kar bazaar jayen. 2. Bachon ko samjhayen cheezen zaya na karen. 3. Raat ka bacha khana zaya na karen, subah use kar len. Yaqeen karen 5000 me guzara mushkil hai lekin na-mumkin nahi. Aap is tareeqe par amal karen aur mujhe Comment me zaroor batayen. Aapki Duaon ki Talib - Farah